ЖОҒАРҒЫ ОҚУ ОРНЫНДАҒЫ ДЕНЕ ШЫНЫҚТЫРУ САБАҚТАРЫНДА ЖАҢА ИННОВАЦИЯЛЫҚ ТЕХНОЛОГИЯЛАРДЫ ҚОЛДАНУДЫҢ ТИІМДІЛІГІ

Abstract

Дене тəрбиесін, жаңа технология мен озат тəжірибені ұлттық жəне жалпыадамзаттық құндылық қағидаларымен сабақтастыра зерттеу – бүгінгі күн талабынан туындап отырған педагогика ғылымының міндеттерінің бірі. Дене тəрбиесінің мəнін бүгінгі жаңа заман талабына сəйкес қарастыру – бұл адамды өзі өмір сүрген ортаның жемісі ғана емес, сол ортадағы дене мəдениеті, адамгершілік қарым-қатынасы əрекетімен көрінетін субъект деп танылуымен айқындалады. Қоғамның елеулі өзгерістерге түсуі, адамның мақсат-мұраттарына, тұрмыс-тіршілігі мен мінез-құлқына, сондай-ақ өзінің жеке басына да субъект ретінде өзгеріс енгізуде. Оның үстіне қоғамдағы салауаттылық, дене мəдениеті мен рухани құндылықтардың табиғаты, мəні, шығу тегі жəне атқаратын қызметтері туралы жан-жақты зерттеу, оқушылардың дене тəрбиесін салауаттылық дене мəдениеті мəселесімен байланыста қарастыру қажеттігі біздің тақырыбымыздың өзектілігін айқындай түседі. Елімізде бəсекеге қабілетті білім – білім беру саласының ең басты міндеті болып отыр. Дамудың алдыңғы қатарындағы елдердің білім дəрежесімен теңесу – еліміздің біліми саясатының негізгі көздегені. Дамыған елу елдің қатарына енудің алғышарттарының бірі де осы сапалы да бəсекеге қабілетті білім. Сондықтан да еліміздегі жоғары оқу орнындағы білім берудің басты ұстанымдары мен міндеттері, əрекеттері, жолдары осы мақсатқа орай ұйымдастырылады.