ЗИЯТКЕРЛІГІ САҚТАЛҒАН ЖӘНЕ ДЕНСАУЛЫҚ МҮМКІНДІГІ ШЕКТЕУЛІ БАЛАЛАРҒА БИОЛОГИЯНЫ ОҚЫТУДЫҢ ОҚУ-ӘДІСТЕМЕЛІК НЕГІЗДЕРІ

Abstract

Білім беру саласы жалпыға ортақ. Қазақстанның кез – келген азаматы өзі қалаған орында біліктілігін арттыруға, тиісті ақпарат алуға және оқу орынын таңдауға толық құқылы. Алайда, денсаулығына байланысты туа бітті кінәраты бар, мүмкіндігі шектеулі жандар көбіне шеттетіліп жататыны жасырын емес. Бұл мәселе көптен бері қоғамды толғандырып, оны оңтайландыру барысы барынша жүзеге асырыла бастады. Бүгінгі таңда қоршаған орта ерекше балаларды қабылдауға үйреніп, олардың жалпыға бірдей білім беретін мекемелерде білім алуына да жағдай жасап келеді. Инклюзивті білім беру термині кейіннен енгізілмегенімен, оның бүгінгі таңда маңызы аса зор. Себебі, мүмкіндігі шектеулі балалардың мүмкіндіктерін шектеу әсте дұрыс емес. Олар өзге бүлдіршіндер секілді өмірге деген зор құлшынысы мен білім алуға деген ынтасы бойда көрініс тапқан, өзіндік арман мақсаттары мен құлшынысытары бар, қоршаған ортаны кеңінен тануға ниетті жандардың қатарында. Олай болса, дарынды бойда бұғаттамай, барынша қолдау көрсету біздің басты парызымыз.