ТАНЫМДЫҚ ІС-ƏРЕКЕТ ЖƏНЕ БИОЛОГИЯДАН ҚАЛЫПТАСТЫРУШЫ БАҒАЛАУ ТАПСЫРМАЛАРЫ

Abstract

Қазіргі білім берудің негізгі міндеті – білім алушылардың бойында шығармашылық ойлау қабілеті, шешім қабылдаудағы дербестік, бастамашылдық, өз бетінше ойлау, білім алу мен оны қолдану сияқты жеке қасиеттерді қалыптастыру. Білім адамның басында əуел бастан болмайды; ол оны өз өмірінің барысында, практикалық іс-əрекетінің нəтижесінде игереді. Адамның жаңа білімдерді игеру процесі таным болып табылады. Өзектілігі: əрбір жеке тұлғаның шығармашылықпен ойлауы, ынталылығы мен құштарлығы, дəстүрлі емес шешім қабылдау қабілеттері, кəсіби жол таңдау білігі, өмір бойы білім алуға даярлығы – оның ең басты функционалдық қасиеттері болып табылады. Жоғарыда аталған мəселелер таңдап алынған зерттеу тақырыбының теориялық жəне практикалық тұрғыдан өзектілігінің жоғары екеніне меңзейді. Мақсаты: Танымдық іс-əрекетті теориялық тұрғыдан қарастыра отырып, биологиядан қалыптастырушы бағалау тапсырмаларының мəнін анықтау.